是咁的 , 前排受到邀請同一班朋友玩狼人殺 , 玩下玩下我先知原來大家係想聚埋拍狼人殺 , 我覺得無問題既, 開心咪得囉, 無諗咁多就順住條線 , 去到今時今日第一集已經出左喇, 大家有興趣可以去睇下, 不過我打呢篇文唔係為左宣傳呢條片 , 係因為下面Comment有一句咁既留言 , 我專登Cap出黎大家理性討論一下
呢位觀眾既留言不外乎係勁踩"術語" 呢個問題 , 話香港人拍香港節目點解唔諗下啲FOR香港人用既術語, 而要抄普通話, 即係例如"表水, 金水, 銀水, 抿牌"等等, 跟住就話就算我地係抄台灣娛百狼人殺咁, 話我地無創意 , 抄抄抄.
睇到呢到, 其實我心入面真係超級唔認同呢啲野
我覺得呢種術語唔係main form 邊一個地區而創立, 就等於我打LOL , 我GANK下路條線 , 喂GANK呢個字國際通用架啦, 唔叫你屌啲香港直播主?
其實我地係尊重緊個遊戲, 去學習番佢應該要有既專業術語, 令成件事更加Pro, 更加認真去看待..從而咁會令玩家及觀眾更加投入呢件事 , 先係重點.
你可以叫我地嘗試諗下一啲香港人比較容易既名詞去錄呢個節目, 因為會比較容易入口 , 咁樣我反而接受喎! 因為錄綜藝節目既目的就係想大家睇容易明白而且被廣泛接受.
但因為呢位觀眾既留言我完全唔覺得係良性建議, 所以我抱住hea9既心態去睇 , 所以我更加唔會覺得佢講得岩
以前玩狼人殺 , 我既印象就永遠都係抽完牌一討論就勁嘈係咁講自己係咩身份咩身份, 唔信我同你賭一鋪大既咁樣..玩頭一兩次就好玩, 玩多幾場就會好悶 , 所以我更本無深入研究過狼人殺呢隻Game , 最近, 我開始推番之前既睇法
原來狼人殺已經進展到今時今日咁既地步, 又拍哂節目又盛 , 喂垃圾GAME渣喎 , 點解可以咁多人睇咁多人玩呀?
依家既狼人殺玩法, 已經係有次序咁穩定發言, 無論係先發言定後發言位都足以影響成個局面, 仲要唔同既玩家有唔同既玩法 , 即係每一個人做既微少決定都足以影響極大既蝴蝶效應, 剩係呢樣野都已經吸引過以前好多聲.
仲有現場玩你需要望住對方去盤羅輯 , 仲有因為輪次既輸嬴而要作出既玩法變動, 唔同一班 " 識玩既朋友仔 " 玩過, 你係唔會明白呢隻GAME點解咁好玩
我相信市面好多人會笑鳩狼人殺呢隻低端GAME, 話呢個世界大把Boardgame好玩過佢多多聲, 憑乜野行出黎打飛機話好玩, 係我角度其實好死架姐 , 各有各玩法, 你岩玩時人地又未必岩玩既... 不過咁
講得出上面言論踩隻game既人 , 係咪因為本身你無乜朋友有醉心研究玩 , 又或者係根本無朋友玩boardgame?
我相信如果搵到一班志同朋友既朋友仔玩狼人殺, 其實會開心好多 , 因為易入門而且唔需要太複雜就已經可以參與, 已經可以改寫每一場既結局, 至於點解可以用到黎拍電視節目? 其實好簡單姐
大眾口味, 易入口 , 容易玩 , 容易睇, 容易明 , 而且隨時拎起張紙寫就可以玩 , 咁多優勢條件, 大家明啦?
我唔介意有啲人睇我唔起, 玩狼人殺講到自己識飛咁~
我唔叻架, 我唔係高玩, 但我好識享受玩緊每一個過程 , 如果有笑鳩狼人殺呢隻遊戲既朋友, 不妨約我玩一次, 我帶你同一班朋友玩, 你能夠係入面撚化哂我地全部人既, 你先再介紹任何一隻好玩過呢款聯誼Boardgame既遊戲俾我 , 我會好感激你
最後 , 如果大家有興趣既 , 不妨真係試下認真啲去睇去學
金水 = 已認證好人
銀水 = 被女巫救返嘅人
水包 = 著重留意嘅玩家
自刀 = 狼人自殺〈用於呃女巫解藥，同時用銀水將自己身份提高〉
抿牌 = 從玩家睇牌過程中推斷佢嘅身份
表水 = 發表資訊
狼坑 = 認定嘅狼人
卦象 = 表情/狀態
開槍狀態 = 天光後能唔能夠發動開槍技能嘅指標〈只適用於獵人/狼王〉
我唔覺得咁樣就叫做台式術語 , 始終呢1-2年係台灣娛百帶番起狼人殺呢隻遊戲, 我地學佢又有幾出奇呢? 自從我睇左【無雙】呢套電影之後, 其實抄, 都要講好多心機好多其他因素 , 如果做到極致 , 就係藝術
以下留言開放討論 , 呀! 都打左咁多隻字, 唔爭在宣傳下條片
https://www.youtube.com/watch?v=E06BLOiBLng&t=1002s
我其實本身唔想Share, 因為條片好多漏動好多唔好睇既地方, 就算我只係參與演出都覺得其實可以做得更加好 , 不過大家都花左好多心機係呢次上面 , 期待下次會做得更加好
Search